Oftast nær eru það víðvinkilslinsurnar sem maður grípur til þegar maður er að taka landslagsmyndir. En í þessu tilfelli þá var ég helst til of langt í burtu frá jöklinum til að ná einhverju flottu úr víðu linsunni. Ég smellti 100mm linsu á vélina, þessi linsa er mjög góð í portrait og macro myndir, og tók um 15 myndir af jöklinum af mismunandi stöðum á honum því ég náði honum ekki öllum í sama rammanum.

Að lokum skeytti ég öllum c.a. 15 myndunum saman í Photoshop og þetta varð útkoman.